حلم الغلبان

<!--[if gte vml 1]> <![endif]--><!--[if !vml]--><!--[endif]-->

حلم  الغلبـان

 يا بسمة روحى لبى

أجمل سلام وتحيه

شغلتى قلبى كتير

وعنيا متلهيه

هربانة دايماً منى

أو مستخبية

ما تتأليش عليا

دانتى عرفه اللى فيا

لو غبتى عنى يوم

ما أكولشى ولو شويه

نفسى أشوف النوم

واشوف لحظه هنيه

صورتك دايماً قبالى

ومصبرانى يا شقيه

مرسومه جوه عنيا

صحيح مصر غنيه

عازيك ترجعى تانى

وهابدأ  أنا بهديه

وهارويكى بإديه

وتنامى متعشيه

وارتاح أنا فى منامى

واصحى ع المغربيه

ما أنا نايم وأنتى معايا

وأنتى ميه ميه

أحلامى بعدت منى

ارجعى بقى يا صبيه

فى يوم حلمت بيكى

بضحكه جوه عنيكى

اقرب أنا منك

تبعدى عنى شويه

وتجرى منى بعيد

ليه بتتألى عليه

تقولى استنى عندك

هاقرب أنا شويه

قولت مالك يا روحى

ما بتسأليش فيا

هو انتى شوفتى شوفه

ونسيتى جمال عنيا

ناديتى أنت مالك

بتحلق عليا

وماشى ورايا دايما

فى الرايحه والجايه

ها اقولك عاللى فيها

والرحمه ليا شويه

أصل أنت صعبت عليا

وخلاص تعبت رجليه

فى يوم من الايام

قابلتنى صحفيه

قاليتلى إيه رأيك

فى السيره اليوميه

قولتلها أنا مش عارفه

إيه بيحصل حواليا

قاليتلى فيه امراض

خطيرة و مستعصيه

بتموت اى واحده

بضحكتها الورديه

قولتلها خلاص كفايه

أصل انا مستهويه

وعندى كمان زكام

وورم على عنيا

قاليتلى يا عينى عليكى

دا أنتى بقيتى ضحيه

مشيت وانا زعلانه

وشايله هم عليه

عرفت خلاص حكايتى

ياللى بتقول صبيه

ماتزعليش منى

كان نفسى فيكى مشويه

كان نفسى فيكى فى غدوه

وبطاطس  مقليه

ويا عينى آه عالمرقه

وشويه تقليه

بس الحكاية خلصت